وبلىستىق دەنساۋلىق ساقتاۋ باسقارماسى ءباسپاسوز قىزمەتىنىڭ اقپاراتىنا قاراعاندا, جىلىوي اۋداندىق ورتالىق اۋرۋحاناسىنىڭ قابىلداۋ بولىمىنە 27-28 جەلتوقساندا تاعامدىق توكسيكوينفەكتسياسى دياگنوزىمەن 29 ناۋقاس قارالعان, دەپ حابارلايدى Egemen.kz.
ونىڭ ىشىندە 4 ناۋقاس ستاتسيونارعا جاتۋدان باس تارتىپتى. ۇيىنە امبۋلاتورلى ەم الۋعا 4 ناۋقاس جىبەرىلدى.
«قازىر 21 ناۋقاس ستاتسيونارعا جاتقىزىلدى. ۋلانعان ناۋقاستاردىڭ ءبارى 24 جەلتوقساندا «تري سامۋرايا» ءدامحاناسىنان العان سۋشيدەن ۋلانعان. اۋرۋحانادا جاتقان ناۋقاستار جۇقپالى اۋرۋلار بولىمىنە اۋىستىرىلىپ, ءتيىستى ەم-دوم شارالارىن قابىلداۋدا» دەيدى جىلىوي اۋداندىق ورتالىق اۋرۋحاناسىنىڭ ديرەكتورى نۇربەك ۇكىباەۆ.
ونىڭ ايتۋىنشا, ناۋقاستاردا ءىش ءوتۋ, جوعارى تەمپەراتۋرا, جۇرەك اينۋى, قۇسۋ مەن جالپى السىزدىك بەلگىلەرى بايقالپتى. قازىر ولاردىڭ جاعدايى «ورتاشا اۋىر» دەپ باعالانىپ وتىر.
بۇل فاكتىگە قاتىستى قۇقىق قورعاۋ ورگاندارى مەن سانيتاريالىق-ەپيدەميولوگيالىق باقىلاۋ باسقارماسىنىڭ ماماندارى تەكسەرۋ جۇرگىزۋدى باستادى.